புதுச்சேரியில் ஏழு மாதங்களுக்கு பிறகு திரையரங்குகள் மீண்டும் திறக்கப்பட்டுள்ளன.
கொரோனா பரவலை தடுக்க மார்ச் மாதம் அமல்படுத்தப்பட்ட ஊரடங்கில் படிப்படியாக பல்வேறு தளர்வுகளை மத்திய அரசு அறிவித்தது. கடந்த 30ம் தேதி அறிவிக்கப்பட்ட 5ம் கட்ட ஊரடங்கு தளர்வுகளில் தியேட்டர்களை திறப்பதற்கான வழிகாட்டு நெறிமுறைகள் வெளியிடப்பட்டது.
இதனையடுத்து இன்று முதல் புதுச்சேரியில் உள்ள திரையரங்குகள் திறக்கப்பட்டு திரைப்படங்கள் திரையிடப்படுகின்றன. 50 சதவீத இருக்கைகளில் மட்டுமே பார்வையாளர்கள் அனுமதிக்கப்படும் நிலையில், முகக்கவசம் அணிதல், சமூக இடைவெளி உள்ளிட்டவற்றை கட்டாயம் கடைபிடிக்க வேண்டும் என அறிவுறுத்தப்பட்டுள்ளது.