ஆன்லைன் விளையாட்டுகள் குழந்தைகளையும் சீரழிக்கின்றன-சென்னை உயர்நீதிமன்றம் வேதனை

ஆன்லைன் விளையாட்டுகள் இளைஞர்களை மட்டுமல்லாமல், குழந்தைகளையும் சீரழிப்பதாக சென்னை உயர் நீதிமன்றம் வேதனை தெரிவித்துள்ளது.

ஆன்லைன் விளையாட்டு விளம்பரங்களில் நடிக்கும் இந்திய கிரிக்கெட் அணி கேப்டன் விராட் கோலி, நடிகை தமன்னாவை கைது செய்யக்கோரி தொடரப்பட்ட வழக்கு மீண்டும் விசாரணைக்கு வந்தது.

அப்போது மத்திய தகவல் தொலைதொடர்பு துறை தரப்பில், நீதிமன்ற உத்தரவில்லாமல் எந்த இணையதளத்தையும் தன்னிச்சையாக முடக்க முடியாது என்று தெரிவிக்கப்பட்டது.

எதிர்மனுதாரராக கோலி, தமன்னாவை சேர்க்க வேண்டும் என்ற கோரிக்கையை நிராகரித்த நீதிபதிகள், ஆன்லைன் விளையாட்டுகளை நடத்தும் நிறுவனங்களை மட்டும் சேர்க்கவும், தமிழக அரசு பதிலளிக்கவும் உத்தரவிட்டு விசாரணையை ஒத்திவைத்தனர்.