ஜப்பான் பிரதமர் பதவியில் இருந்து விலகினார் ஷின்ஷோ அபே

உடல்நிலை காரணங்களுக்காக ஜப்பான் பிரதமர் ஷின்சோ அபே தனது பதவியை ராஜினாமா செய்துவிட்டதாக செய்திகள் வெளியாகியுள்ளன.

2006இல் முதல்முதலாக பிரதமராக பதவியேற்ற அவர், 2007இல் உடல்நிலை காரணங்களுக்காக ராஜினாமா செய்தார். இதையடுத்து 2012ஆம் ஆண்டில் பிரதமராக பதவியேற்ற அபே, 8 ஆண்டுகளாக பிரதமராக இருந்து வந்தார்.

அண்மையில் 2 முறை மருத்துவமனைக்கு சென்று வந்ததால் அபேயின் உடல்நிலை குறித்து பல்வேறு செய்திகள் வெளியாகி வந்தன. பிரதமர் பதவியிலிருந்து அபே விலக விரும்புவதாகவும் செய்திகள் வெளியாகின. இந்நிலையில் அவர் பதவியை ராஜினாமா செய்து விட்டதாக ராய்ட்டர் செய்தி நிறுவனம் செய்தி வெளியிட்டுள்ளது.