மாநிலங்களவை தேர்தலில் போட்டியிட, திருச்சி சிவாவுக்கு திமுக தலைமை மீண்டும் வாய்ப்பு அளித்துள்ளது.
தமிழகத்தில் இருந்து காலியாகும் 6 இடங்களுக்கு வருகிற 26 ம் தேதி தேர்தல் நடைபெறும் என அறிவிக்கப்பட்டு உள்ளது. வருகிற 6 -ம்தேதி வேட்புமனு தாக்கல் துவங்க உள்ள நிலையில், திமுக சார்பில் போட்டியிடும் 3 வேட்பாளர்களின் பெயர் விவரங்களை, அக்கட்சியின் தலைவர் மு.க. ஸ்டாலின், வெளியிட்டார்.
இதன்படி, திருச்சி சிவா, முன்னாள் அமைச்சர் அந்தியூர் செல்வராஜ், வழக்கறிஞர் என். ஆர். இளங்கோ ஆகியோர் போட்டியிடுவார்கள். திமுக பொதுச்செயலாளர் அன்பழகன், உடல்நலக்குறைவால் மருத்துவமனையில் அனுமதிக்கப்பட்டு இருப்பதால், மாநிலங்களவை வேட்பாளர் அறிவிப்பை, மு.க. ஸ்டாலின் வெளியிட்டு உள்ளார்.