தமிழகம் முழுவதும் 34 மையங்களில் JEE முதன்மை தேர்வுகள் தொடங்கி நடைபெற்றது.
ஐஐடி உள்ளிட்ட உயர்கல்வி நிறுவனங்களில் பொறியியல் படிப்புகளில் சேர்வதற்கான ஒருங்கிணைந்த நுழைவுத்தேர்வான JEE முதன்மை தேர்வுகள் நாடு முழுவதும் காலை 9.30 மணியளவில் துவங்கின.
இன்று முதல் வரும் 6ம் தேதி வரை தமிழகத்திலும் 34 மையங்களில் இந்த தேர்வு நடைபெறுகிறது. தமிழகத்தில் மொத்தமாக 53 ஆயிரத்து 765 மாணவர்கள் இந்த தேர்வை எழுதுகின்றனர்.
முன்னதாக தேர்வெழுத வந்த மாணவர்கள், உடல் வெப்பம் பரிசோதிக்கப்பட்ட பின்னரே தேர்வு மையங்களுக்குள் அனுமதிக்கப்பட்டனர்.
முகக் கவசம், தனி மனித இடைவெளி உள்ளிட்ட முன்னெச்சரிக்கை நடவடிக்கைககளை பின்பற்றி தேர்வு நடைபெற்றது.
நாடு முழுவதும் சுமார் 7 லட்சத்து 78 ஆயிரம் பேர் இந்த தேர்வை எழுதினர்.