பொறியியல் சேர்க்கை: வீட்டில் இருந்து சான்றிதழ் பதிவேற்றும் வசதி

கொரோனாவில் இருந்து மாணவர்களை பாதுகாக்கும் வகையில், பொறியியல் சேர்க்கைக்கான சான்றிதழ் பதிவேற்றும் பணிகளை கை பேசி அல்லது கணினி மூலம் வீட்டில் இருந்தே மேற்கொள்ள வசதி செய்யப்பட்டு உள்ளது.

இதன்படி, https://www.tneaonline.org/ என்ற இணையதள முகவரியில் நாளை  முதல் ஆகஸ்டு 20 வரை, மாணவர்கள் தங்கள் சான்றிதழ்களை பதிவேற்றம் செய்து கொள்ளலாம். நாளொன்றுக்கு 20 ஆயிரம் மாணவர்கள் வீதம் பதிவேற்றம் செய்ய வசதி செய்யப்பட்டு இருக்கிறது. 

சான்றிதழை பதிவேற்றம் செய்ய முடியாத மாணவர்களுக்காக ஆகஸ்டு 12 முதல் 20 ஆம் தேதி வரை சிறப்பு ஏற்பாடு செய்யப்பட்டு உள்ளதாகவும், சந்தேகம் இருந்தால் 044 - 22351014 என்ற தொலைபேசி மூலம் தொடர்பு கொள்ளலாம் என்றும் தெரிவிக்கப்பட்டு உள்ளது.