பொதுத்தேர்வு பாடம் சார்ந்த சந்தேகங்களுக்கு மாணவர்கள் விளக்கம் பெற நடவடிக்கை

பொதுத்தேர்வு எழுதும் மாணவ- மாணவிகள் பாடம் சார்ந்த சந்தேகங்களுக்கு 1 4 4 1 7 என்ற இலவச தொலைபேசி எண்ணைத் தொடர்பு கொள்ளலாம் என்று பள்ளிக் கல்வித்துறையின் கல்வி தகவல் மையம் தெரிவித்துள்ளது.

சென்னை நுங்கம்பாக்கத்தில் உள்ள பள்ளி கல்வித்துறை வளாகத்தில் கல்வி தகவல் மையம் செயல்பட்டு வருகிறது. அந்த மையத்தில் 24 மணி நேரமும் பாடம் சார்ந்த மாணவ மாணவிகளின் சந்தேகங்களுக்கு விளக்கம் அளிக்கப்பட்டு வருகிறது.

தற்போது மாநிலம் முழுவதும் பொதுத் தேர்வுகள் நடைபெறுவதையொட்டி, அத்தேர்வுக்கு தயாராகும் மாணவ- மாணவிகளுக்கு உதவும் வகையில் அறிவிப்பு வெளியிடப்பட்டுள்ளது. அதில் மாணவர்கள் தாங்கள் பயிலும் பாடங்களில் சந்தேகங்கள் இருந்தால் 1 4 4 1 7 என்ற இலவச தொலைபேசி எண்ணை தொடர்புகொண்டு துறை சார்ந்த ஆசிரியரிடம் விளக்கம் பெறலாம் எனத் தெரிவிக்கப்பட்டுள்ளது.