தென்னிந்திய திரைப்பட மற்றும் தொலைக்காட்சி தயாரிப்பாளர் சங்கம் சார்பில் முதலமைச்சருக்கு பாராட்டுக்கு விழா நடத்த திட்டமிட்டுள்ளதாக அச்சங்கத்தின் தலைவர் ஜாகுவார் தங்கம் தெரிவித்துள்ளார்.
சென்னை தலைமை செயலகத்தில் முதலமைச்சர் எடப்பாடி பழனிசாமியை சந்தித்த பின்னர் செய்தியாளர்களிடம் பேசிய அவர், பெரிய பொருட்செலவில் உருவாகும் படங்கள் தமிழ் ராக்கர்ஸ் போன்ற இணையதளங்களில் உடனடியாக வெளியாவதால், திரையரங்குகளில் படங்கள் ஓடுவதில்லை என தெரிவித்தார்.
மேலும் இது தொடர்பாக முதலமைச்சரிடம் கோரிக்கை வைத்ததாகவும், அவரும் நடவடிக்கை எடுப்பதாக உறுதியளித்ததாகவும் தெரிவித்தார்.