சென்னையை அடுத்த குன்றத்தூர் அருகே குடும்பத் தகராறில் விசிக பிரமுகர் ஒருவர் அவரது அண்ணன் மகன்களால் வெட்டிக் கொல்லப்பட்டுள்ளார்.
தரப்பாக்கம் பகுதியைச் சேர்ந்த விசிக பிரமுகரான அதீஷ் என்பவரும் அவரது அண்ணன் மகன்களான சுகாஷ், சுனில் ஆகியோரும் அவ்வப்போது ஒன்றாக அமர்ந்து மது அருந்துவது வழக்கம் என்றும் அப்போது மூவருக்குள்ளும் குடும்பம் தொடர்பான பேச்சுகள் எழுந்து வாய்த்தகராறு ஏற்படும் என்றும் கூறப்படுகிறது. இந்த நிலையில் இன்று அதிகாலைலேயே போதையில் வந்த சுகாஷும் சுனிலும் அதீஷிடம் தகராறு செய்ததோடு, மறைத்துவைத்திருந்த கத்தியால் வெட்டியுள்ளனர்.
தடுக்க வந்த அதீஷின் அண்ணன்கள் இருவருக்கும் வெட்டு விழுந்துள்ளது. தாக்குதல் நடத்திய இருவரும் தப்பியோடிய நிலையில், காயமடைந்த மூவரில் அதீஷ் மருத்துவமனை செல்லும் வழியில் உயிரிழந்தார். மற்ற இருவருக்கும் தீவிர சிகிச்சை அளிக்கப்பட்டு வருகிறது.