சென்னையில் உள்ள இராணுவ வீரர்களுக்கான அதிகாரிகள் பயிற்சி மையத்தில் காலிப் பணியிடங்களுக்கான வேலைவாய்ப்பு அறிவிப்பு வெளியாகி உள்ளது.
இதுகுறித்து இந்திய ராணுவம் வெளியிட்டுள்ள செய்திக்குறிப்பில், இந்திய பாதுகாப்பு அமைச்சகத்தின் கீழ் குறுகிய கால இராணுவ சேவைகளுக்காக அதிகாரிகளை உருவாக்கும் பயிற்சிக் கழகத்தில் 2022-ஆம் ஆண்டுக்கான தொழில்நுட்பப் பிரிவில் 191 காலியிடங்களுக்கான அறிவிப்பை வெளியிட்டுள்ளது. தகுதி வாய்ந்த திருமணமாகாத ஆண்கள், பெண்கள் மற்றும் கணவரை இழந்த ராணுவ வீரர்களின் மனைவிகளும் இந்த பணியிடங்களுக்கு விண்ணப்பிக்கலாம் என அறிவிக்கப்பட்டுள்ளது.
இந்திய ராணுவத்தின் அதிகாரப்பூர்வ இணையதள பக்கமான joinindianarmy.nic.in.-ல் வரும் ஏப்ரல் மாதம் 6-ஆம் தேதிக்குள் விண்ணப்பிக்கலாம் என தெரிவிக்கப்பட்டுள்ளது.