பைக் ரேசில் ஈடுபட்ட சென்னையை சேர்ந்த 9 பேர் மீது வழக்கு பதிவு... இருசக்கர வாகனங்கள் பறிமுதல்

திருவள்ளூர் மாவட்டம் சோழவரம் அருகே பைக் ரேசில் ஈடுபட்ட சென்னையை சேர்ந்த 9 பேர் மீது வழக்கு பதிவு செய்த போலீசார், 9 பேரின்  பைக்குகளையும் பறிமுதல் செய்தனர்.

 நேற்று மாலை  மீஞ்சூர் வண்டலூர் வெளிவட்ட சாலையில் ஆபத்தான முறையில் பைக் ரேஸ் நடைபெறுவதாக வந்த தகவலின் அடிப்படையில் விரைந்து சென்ற போலீசார், சென்னையை சேர்ந்த  9 இளைஞர்களின்  இருசக்கர வாகனங்களை பறிமுதல் செய்தனர். 9 பேர் மீது வழக்குப்பதிவு செய்து போலீசார் விசாரித்து வருகின்றனர்.

சென்னையைச் சேர்ந்த இளைஞர்கள் மீஞ்சூர் வண்டலூர் வெளிவட்ட சாலையில் இதுபோன்று பைக் ரேஸில்  ஈடுபடுவது வழக்கமாகி வருவதாக அப்பகுதி பொதுமக்கள் தெரிவித்துள்ளனர்.