நேற்று புனேவில் இருந்து நேற்று 10 லட்சத்து 8000 கோவிஷீல்டு தடுப்பூசிகள் சென்னை வந்தடைந்தன.
ஜுலை மாதம் மத்திய அரசின் தொகுப்பில் இருந்து தமிழகத்திற்கு 71 லட்சம் தடுப்பூசிகள் அனுப்பப்படும் என அறிவிக்கப்பட்டிருந்தது.
நேற்று ஒரே நாளில் முதல் தவணையாக 4 லட்சத்து 8 ஆயிரம் தடுப்பூசிகளும், இரண்டாம் தவணையாக 6 லட்சம் தடுப்பூசிகளும் சென்னை வந்து சேர்ந்தது.
அவை தேனாம்பேட்டையில் உள்ள டி.எம்.எஸ் அலுவலகத்திற்கு எடுத்து செல்லப்பட்டு, தடுப்பூசி தட்டுப்பாடு உள்ள மாவட்டங்களுக்கு அனுப்பும் பணிகள் மேற்கொள்ளப்பட்டன. இதையடுத்து சென்னையிலும் இன்று தடுப்பூசி போடும் பணிகள் நடைபெறும் என மாநகராட்சி தரப்பில் அறிவிக்கப்பட்டுள்ளது.