சென்னை மெரினா கடற்கரையில் ஸ்மார்ட் கடைகளை அமைக்க வியாபாரிகளை குலுக்கல் முறையில் தேர்ந்தெடுக்கும் திட்டத்திற்கு எதிர்ப்பு தெரிவித்து, காமராஜர் சாலையில் வியாபாரிகள் தங்களது குடும்பத்துடன் போராட்டத்தில் ஈடுபட்டுள்ளனர்.
இன்று சென்னை செனாய் நகரில் உள்ள அம்மா அரங்கில் குலுக்கல் முறை நடைபெற உள்ள நிலையில், மெரினா கடற்கரையில் ஏற்கனவே வியாபாரம் செய்து வரும் தங்களுக்கு முன்னுரிமை அளிக்க வேண்டும், குழுக்கள் முறையில் கடைகளை ஒதுக்கீடு செய்வதை நிறுத்த வேண்டும், கடைகளை அதிகரிப்பது உள்ளிட்ட கோரிக்கைகளை வலியுறுத்தி வியாபாரிகள் போராட்டத்தில் ஈடுபட்டுள்ளனர்.