சென்னைக்கு வரும் அனைத்து ரயில்களிலும் பயணிகள் கூட்டம் அதிகரிப்பு

தென் மாவட்டங்களில் இருந்து சென்னை செல்லும் எக்ஸ்பிரஸ் ரெயில்கள் பயணிகள் கூட்டத்தால் நிரம்பி வழிகின்றன.

பொங்கல் பண்டிகையையொட்டி தென் மாவட்டங்களுக்கு சென்றவர்கள் சென்னைக்கு திரும்ப தொடங்கி உள்ளனர்.இதனால் தென் மாவட்டங்களில் இருந்து சென்னை செல்லும் ரெயில்களில் முன்பதிவு முடிந்துள்ளது.

நேற்று சென்னைக்கு புறப்பட்ட தென் மாவட்ட ரெயில்கள் அனைத்திலும் அனைத்து வகுப்புகளிலும் காத்திருப்போர் பட்டியலில் சுமார் 50-க்கும் மேற்பட்ட பயணிகள் இருந்தனர்.

இதனால், சமூக இடைவெளியை பின்பற்ற முடியாமல் ரெயில் பெட்டிகள் பயணிகளால் நிரம்பி வழிந்தன.இதே நிலைதான் இன்றைய ரயில்களிலும் காணப்பட்டது.