சென்னையில் பணம் கொடுத்து பெண்களை ஆபாசமாக பேச வைத்து பேட்டி எடுத்த சென்னை டாக்ஸ் யூடியூப் சேனல் முடக்கப்பட்டுள்ளது.
சமீபத்தில், பெண் ஒருவர் அந்த யூடியூப் சேனலில் ஆபாசமாக பேசும் வீடியோ வைரலான நிலையில், சம்பந்தப்பட்ட சேனலை சேர்ந்த 3 பேர் கைது செய்யப்பட்டனர். போலீஸ் விசாரணையில் தங்களுக்கு தெரிந்த பெண்களுக்கு பணம் கொடுத்து, ஆபாசமாக பேச வைத்தது தெரியவந்தது. இந்த நிலையில், சென்னை டாக்ஸ் யூடியூப் சேனலில் வெளியான அனைத்து வீடியோக்களையும் நீக்கி போலீசார் நடவடிக்கை எடுத்துள்ளனர்.