தமிழகத்தில் போலிச் சான்றிதழ்கள் மூலம் செயல்படும் பெட்ரோல் நிலையங்கள் - சென்னை உயர் நீதிமன்றத்தில் தமிழக அரசு தகவல்!

தமிழகத்தில் காவல்துறை வழங்கியது போன்ற போலி தடையில்லா சான்றிதழ்கள் மூலம் 91 பெட்ரோல் மற்றும் கியாஸ் விற்பனை நிலையங்கள்  செயல்பட்டு வருவதாக சென்னை உயர் நீதிமன்றத்தில் தமிழக அரசு தெரிவித்துள்ளது.

இது தொடர்பான வழக்கு விசாரணையில், இந்த 91 பெட்ரோல் மற்றும் கியாஸ் விற்பனை நிலையங்கள் மீது சட்ட ரீதியான நடவடிக்கை எடுக்கப்படும் என தனியார் எண்ணெய் நிறுவனங்கள் சார்பில் உத்தரவாதம் அளிக்கப்பட்டது.

இதைத்தொடர்ந்து, தமிழகத்தில் போலி தடையில்லா சான்றிதழ்கள் கொண்டு செயல்படும் மதுபான பார்களையும் கண்டறிந்து சட்ட ரீதியான நடவடிக்கை மேற்கொள்ள வேண்டும் என நீதிபதிகள் உத்தரவிட்டனர்