சென்னை சூளைமேடு பகுதியில் இருவேறு கல்லூரி மாணவர்களுக்கு இடையே ஏற்பட்ட மோதலில் ஒருவரை கத்தியால் கொடூரமாக வெட்டிய சம்பவத்தில் மற்றொரு மாணவன் கைது செய்யப்பட்டான்.
மாநிலக் கல்லூரியில் மூன்றாம் ஆண்டு பயின்று வரும் நேரு எனும் மாணவரை சூளைமேடு நெல்சன் மாணிக்கம் சாலையில் வைத்து பச்சையப்பன் கல்லூரி மாணவர்கள் 12 பேர் அவர்களை வழிமறித்துள்ளனர்.
நேருவிடம் இருந்த ஐடி கார்ட்டை பறித்துக் கொண்ட அவர்கள், அவரது தலையில் சராமாரியாக வெட்டி உள்ளனர். மேலும் அவரது இருசக்கர வாகனத்தையும் பறித்துக் கொண்டு தப்பி ஓடி உள்ளனர்.
இது குறித்து அருகில் இருந்தவர்கள் அளித்த தகவலின் பேரில் விரைந்து வந்த சூளைமேடு காவல்துறையினர், மாணவன் நேருவை வெட்டிய கார்த்திக் என்ற மாணவனை கைது செய்ததோடு அவனிடம் இருந்து இரண்டரை அடி நீளமுள்ள கத்தியையும் பறிமுதல் செய்துள்ளனர்.