சென்னை தாம்பரத்தில் தொடர் செயின் பறிப்பில் ஈடுபட்டு வந்த நண்பர்கள் இருவர், கையில் வரைந்திருந்த டாட்டூவால் போலீசிடம் சிக்கியுள்ளனர்.
கடந்த ஒன்றாம் தேதி திருநீர்மலை பகுதியில் செயின் பறிப்பில் ஈடுபட்ட ஒருவனின் கையில், தாய் குழந்தையை கையில் வைத்திருப்பது போன்ற டாட்டூ வரைந்திருந்ததாக பாதிக்கப்பட்ட பெண் தெரிவித்துள்ளார்.
அதே நாளில், பக்கத்துத் தெருவில் மற்றொரு பெண்ணிடம் வழி கேட்பது போல் பேசிக் கொண்டிருந்த இருவரின் ஒருவனின் கையில் அதே டாட்டூ இருந்ததை அந்த பெண் உறுதிப்படுத்தினார். இதனை அடுத்து பைக்கின் பதிவு எண்ணை வைத்து, அம்பத்தூரைச் சேர்ந்த விஜயன் மற்றும் சீனிவாசன் கைது செய்யப்பட்டனர்.