நிதி நிறுவன மோசடி வழக்கில், நியோமேக்ஸ் நிறுவனத்தின் தலைமை நிர்வாக இயக்குனர் கமலக்கண்ணன் சென்னையில் கைது செய்யப்பட்டார்.
2010-ஆம் ஆண்டு மதுரையில் தொடங்கப்பட்ட நியோமேக்ஸ் நிறுவனம், பணத்தை இரட்டிப்பாக்கி தருவதாகக் கூறி முதலீட்டாளர்களிடம் 5,000 கோடி ரூபாய் வரை வசூலித்து மோசடி செய்ததாக புகார் எழுந்தது.
இதுவரை பணத்தை இழந்த 300க்கும் மேற்பட்டோர் புகார் அளித்துள்ள நிலையில், அது தொடர்பாக 9 பேரை போலீசார் கைது செய்திருந்தனர்.
அவர்களில் 5 பேர் ஜாமீன் பெற்ற நிலையில், தற்போது தலைமை நிர்வாக இயக்குனர்களுள் முக்கியமானவராக கருதப்படும் கமலக்கண்ணன் என்பவரை பொருளாதார குற்றப்பிரிவு போலீசார் சென்னையில் கைது செய்து மதுரைக்கு அழைத்துச் சென்றனர்