சென்னை கெல்லீஸ் சிறார் சீர்திருத்த பள்ளியில் கதவை உடைத்து, தப்பிச் சென்ற ஆறு சிறுவர்களை போலீசார் தேடி வருகின்றனர். சென்னை உட்பட பல்வேறு மாவட்டங்களில் குற்றச் செயல்களில் ஈடுபட்டதாக 23 சிறுவர்கள் சீர்திருத்த பள்ளியில் அடைக்கப்பட்டு உள்ளனர்.
இந்நிலையில், நேற்றிரவு அறையில் தங்கியிருந்த ஆறு சிறுவர்கள் இரும்புக் கேட்டை உடைத்து சுவர் ஏறிக் குதித்து தப்பிச் சென்றனர்.
மணலி காவல் நிலையத்திற்குட்பட்ட குற்றவழக்கு ஒன்றில் கைதான 18 வயதான சிறுவன் ஒருவன், அறையின் இரும்பு கதவை கடப்பா கல்லால் உடைத்துடன், மற்ற அறையின் கதவுகளையும் உடைத்து 5 சிறுவர்களை தப்பிக்க வைக்க முயற்சி செய்திருப்பது விசாரணையில் தெரிய வந்தது.