சென்னையில் கனமழையால் கட்டிடம் இடிந்து விழுந்த விபத்தில் 2 பேர் பலி..!

சென்னையில் கனமழையால் நூறாண்டு பழமையான கட்டிடம் இடிந்து விழுந்த விபத்தில் 2 பேர் உயிரிழந்தனர்.

பார்ட் டவுன் தங்கசாலை பகுதியில் ராஜேந்திர தாஸ் என்பவருக்கு சொந்தமான பழைய வீட்டின் முதல் தளம் இடிந்து விழுந்ததில் அவ்வழியாக கோவிலுக்கு சென்று கொண்டிருந்த மூதாட்டி ஒருவர் உயிரிழந்தார்.

மேலும், இடிபாடுகளில் சிக்கி 3 பேர் காயமடைந்த நிலையில், சிகிச்சை பலனின்றி ஒருவர் உயிரிழந்தார்.

இதனிடையே, சம்பவ இடத்தில் நேரில் ஆய்வு மேற்கொண்ட அமைச்சர் சேகர்பாபு, கடந்த 2014-ஆம் ஆண்டு சென்னை மாநகராட்சியால் அபாயகரமான கட்டிடம் என்று நோட்டீஸ் வழங்கப்பட்டதாகவும், இது தொடர்பான வழக்கு நீதிமன்றத்தில் நிலுவையில் இருப்பதால் அரசு நடவடிக்கை எடுக்க முடியாத நிலையில் உள்ளதாகவும் தெரிவித்தார்.