“ ரிஷிகளாலும், சனாதான தர்மத்தினாலும் உருவாக்கப்பட்டது பாரதம் ”- ஆளுநர் ஆர்.என்.ரவி

பாரதம் என்பது ரிஷிகளாலும், சனாதான தர்மத்தினாலும் உருவாக்கப்பட்டதென்று ஆளுநர் ஆர்.என்.ரவி தெரிவித்தார்.

சென்னை ஐஐடி மெட்ராஸுடன், பனாரஸ் இந்து பல்கலைக்கழகம் இணைந்து நடத்தும் காசி தமிழ்ச் சங்கமம் நிகழ்ச்சிக்காக நவம்பர் 16 முதல் டிசம்பர் 20-ந்தேதி வரை தமிழகத்தில் இருந்து பல துறைகளைச் சேர்ந்த 3000 பேர் காசிக்கு சிறப்பு விருந்தினர்களாக அழைத்துச் செல்லப்படவுள்ளனர்.

சென்னை ஐஐடியில் நடைபெற்ற இதன் துவக்கவிழாவில் பேசிய ஆளுநர், தமிழகத்திற்கும்-காசிக்கும் இடையேயான பல நூற்றாண்டு கால பழமையான வரலாற்றை அனைவருக்கும் தெரியபடுத்துவதற்காக பிரதமர் மோடி எடுத்த தைரியமான முடிவு என்றும், இதில் எவ்விதமான அரசியலும் இல்லை என்றும் குறிப்பிட்டார்.