ஆயுதபூஜையை முன்னிட்டு, வெளியூர் செல்லும் பயணிகளின் கூட்ட நெரிசலை தவிர்க்கும் பொருட்டு, சென்னையில் 3 பேருந்து நிலையங்களிலிருந்து வரும் 12 மற்றும் 13 ஆகிய தேதிகளில் பேருந்துகள் இயக்கப்படும் என அறிவிக்கப்பட்டுள்ளது.
போக்குவரத்து துறை அமைச்சர் ராஜகண்ணப்பன் வெளியிட்டுள்ள அறிவிப்பில், கொரானா தடுப்பு நடவடிக்கைகளை பின்பற்றுவதற்காக, தீபாவளி, பொங்கலின் போது இயக்கப்படுவது போன்று, சென்னையில் 3 பேருந்து நிலையங்களிலிருந்து பேருந்துகள் இயக்கப்படும் என தெரிவித்துள்ளார்.
கோயம்பேடு பேருந்து நிலையம் தவிர்த்து, தாம்பரம் ரயில் நிலைய பேருந்து நிலையத்தில் இருந்தும், பூந்தமல்லி பேருந்து நிலையத்தில் இருந்தும் வரும் 12 மற்றும் 13 ஆகிய தேதிகளில் பேருந்துகள் வெளியூர்களுக்கு இயக்கப்படுகின்றன.