சிபிஎஸ்இ பன்னிரண்டாம் வகுப்புக்கு மதிப்பீட்டின்படியான முடிவுகள் இணையத்தளத்தில் வெளியிடப்பட்டுள்ளன.
கொரோனா சூழலில் 12ஆம் வகுப்புத் தேர்வு ரத்து செய்யப்பட்ட நிலையில், 10, 11 ஆகிய வகுப்புகளில் மாணவர்கள் பெற்ற மதிப்பெண்களின் அடிப்படையிலும், 12ஆம் வகுப்பில் அலகுத் தேர்வுத் தேர்வு, காலத்தேர்வு ஆகியவற்றின் அடிப்படையிலும் மதிப்பெண் கணக்கிடப்படும் என அறிவிக்கப்பட்டது.
அதன்படி மதிப்பெண்கள் கணக்கிட்ட நிலையில் இன்று சிபிஎஸ்இயின் இணையத்தளத்திலும் டிஜிலாக்கர் தளத்திலும் முடிவு வெளியிடப்பட்டுள்ளது. டிஜிலாக்கர் செயலியிலும் முடிவுகளை மாணவர்கள் அறிந்துகொள்ளலாம். தேர்ச்சிக்கான சான்று, மதிப்பெண் சான்று ஆகியவற்றை இணையத்தளத்திலும் டிஜிலாக்கர் தளத்தில் பதிவிறக்கம் செய்துகொள்ளலாம்.