சென்னையில் சிக்னலில் இருந்து புறப்பட்ட இருசக்கர வாகனங்கள் மீது குடிநீர் லாரி அடுத்தடுத்து மோதியதில் நான்கு வயது சிறுவன் பலியான விபத்தின் சிசிடிவி காட்சி வெளியாகியுள்ளது.
சென்னை எம்.ஆர்.சி.நகர் - பட்டினப்பாக்கம் சந்திப்பு சிக்னலில் நேற்று காலை 8 மணி அளவில் சிக்னலில் இருந்து வாகனங்கள் புறப்பட்ட நிலையில், பின்னால் சாலையில் வந்த குடிநீர் லாரி வேகமாக அடுத்தடுத்து இருசக்கர வாகனங்களை இடித்து தள்ளியபடி சிக்னல் கம்பத்தில் மோதி நின்றது.
இந்த விபத்தில் தரமணியைச் சேர்ந்த 4வயது சிறுவன் உயிரிழந்த நிலையில், 3 பேர் சிகிச்சைக்காக அனுமதிக்கப்பட்டனர். ஓட்டுநர் சமீர் கைது செய்யப்பட்ட நிலையில் லாரியில் பிரேக் பிடிக்காததால் விபத்து நடந்ததாக முதற்கட்ட விசாரணையில் தெரியவந்துள்ளது.