சென்னை காசிமேட்டில் இருந்து மீன்பிடிக்கச் சென்று காணமல் போன 10 மீனவர்களை தேடும் பணியில், கடலோர காவல்படையினர் கப்பல் மற்றும் ஹெலிகாப்டர் மூலம் ஈடுபட்டுள்ளதாக அமைச்சர் ஜெயக்குமார் தெரிவித்துள்ளார்.
நாகூரார் தோட்டம் பகுதியைச் சேர்ந்த பாலாஜி என்பவருக்கு சொந்தமான விசைப்படகில், கடந்த 22ம் தேதி கடலுக்கு சென்றவர்கள் இதுவரை கரைக்கு திரும்பவில்லை. இதையடுத்து காணமல் போனவர்களை மீட்டுத்தருமாறு, அவரது உறவினர்கள் காசிமேடு மீன்துறை உதவி இயக்குனரிடம் புகார் அளித்தனர்.
இந்நிலையில், அமைச்சர் ஜெயக்குமார் வெளியிட்டுள்ள அறிக்கையில், மீனவர்களை மீட்பதற்கான அனைத்து நடவடிக்கைகளையும் அரசு எடுத்துவருவதாக குறிப்பிட்டுள்ளார்.