சிசிடிவி கேமராக்களை உலக அளவில் அதிகம் பயன்படுத்தும் நகரங்களின் பட்டியலில் 21ஆவது இடத்தில் சென்னை இருப்பதாக பிரிட்டன் நிறுவன ஆய்வறிக்கையில் தெரிவிக்கப்பட்டுள்ளது.
பிரிட்டனின் கம்பாரிடெக் எனும் நிறுவனம் இதுகுறித்து ஆய்வு நடத்தி அறிக்கை வெளியிட்டுள்ளது. அதில் உலக அளவில் 21ஆவது இடத்திலும், இந்திய அளவில் இரண்டாவது இடத்தில் சென்னை இருப்பதாக தெரிவிக்கப்பட்டுள்ளது.
சென்னை நகரில் 2 லட்சத்து 80 ஆயிரம் சிசிடிவி கேமராக்கள் கண்காணிப்புக்கு பொருத்தப்பட்டு இருப்பதாகவும் அதில் குறிப்பிடப்பட்டுள்ளது. அந்த பட்டியலில் ஐதராபாத் நகரம் 16 வது இடத்தில் உள்ள நிலையில், அதிக சிசிடிவி கேமராக்கள் பொருத்தப்பட்டுள்ள முதல் 20 நகரங்களில் 18 இடங்கள் சீனாவில் இருப்பதாக தெரிவிக்கப்பட்டுள்ளது.