குன்னூரில் வெலிங்டன் ராணுவப் பயிற்சி கல்லூரி அருகே சிறுத்தைகள் நடமாட்டம்...

குன்னூரில் சிறுத்தைகள் நடமாட்டம் சிசிடிவி காட்சி மூலம் உறுதி செய்யப்பட்டிருப்பதால் அப்பகுதியினர் பீதி அடைந்துள்ளனர்.

வெலிங்டன் அருகேயுள்ள ராணுவ பயிற்சி கல்லூரி மற்றும் ராணுவ அதிகாரிகள் குடியிருப்பைச் சுற்றியுள்ள பகுதிகளில் சிறுத்தை நடமாட்டம் இருப்பதாக தகவல் பரவியது. கடந்த 25ஆம் தேதி சிசிடிவி கேமராக்களை ஆய்வு செய்த போது ராணுவ பள்ளி வளாகத்திற்குள் இருந்து சிறுத்தை ஒன்று சுவர் ஏறி வெளியேறிச் சென்ற காட்சி பதிவாகியிருந்தது.

மறுநாள் மூன்று சிறுத்தைகள் ஒன்றின் பின் ஒன்றாக சாலையை கடந்துச் சென்றதும் பதிவாகியது. இதனால் ராணுவ முகாம் அருகே செல்பவர்கள் மிகுந்த கவனத்துடன் இருக்கும் படி வனத்துறையினர் எச்சரிக்கை விடுத்துள்ளனர்.