கொரோனா வைரஸ் குறித்து மக்கள் அச்சப்படத் தேவையில்லை என்ற போதும் எச்சரிக்கையாக இருக்குமாறு அமைச்சர் விஜயபாஸ்கர் கேட்டுக்கொண்டுள்ளார்.
புதுக்கோட்டையில் பள்ளி நிகழ்ச்சியில் பேசிய அவர், மாணவர்கள் ஒரு நாளைக்கு 15 முறை சோப்பு போட்டு கை கழுவ அறிவுறுத்தினார்.
நிகழ்ச்சியின் போது தஞ்சாவூர் தலையாட்டிப் பொம்மை போன்று ஒரு மாணவியை அமர வைத்து அவர் மீது கொரோனா வைரஸ் குறித்த விழிப்புணர்வு வாசகங்கள் ஒட்டப்பட்டிருந்தன. கொரோனா வைரஸ் குறித்த மாணவிகளின் விழிப்புணர்வு வில்லுப்பாட்டு நிகழ்ச்சியும் பார்வையாளர்களைக் கவர்ந்தது.