தூத்துக்குடி அருகே காரும் லாரியும் நேருக்கு நேர் மோதிய விபத்தில் 2 பெண்கள் உட்பட 4 பேர் பரிதாபமாக உயிரிழந்தனர்.
சென்னை அடையாறு பகுதியை சேர்ந்த சுபாஷ் சந்திரபோஸ் என்பவர், 2 கார்களில் குடும்பத்தினருடன் ராமேஸ்வரம் சென்றுள்ளார். அங்கு சாமிதரிசனம் செய்தவர்கள், தொடர்ந்து திருச்செந்தூர் சென்றுள்ளனர்.
நேற்றிரவு தூத்துக்குடி சிப்காட் புறவழிச்சாலையில் உள்ள குறுகிய பாலத்தில் வந்த போது, எதிரே வேகமாக வந்த லாரி ஒன்று, கார் மீது நேருக்கு நேர் மோதியது.
இந்த கோர விபத்தில் காரில் பயணித்த 2 பெண்கள் உட்பட 4 பேர் பரிதாபமாக பலியாகினர். தவலறிந்து வந்த சிப்காட் போலீசார், சுமார் 2 மணி நேரம் போராடி நசுங்கிய காருக்குள் சிக்கியிருந்த உடல்களை மீட்டு உடற்கூறு ஆய்வுக்காக அனுப்பி வைத்தனர்.
இதனால் தூத்துக்குடி புறவழிச்சாலையில் சுமார் மூன்று மணி நேரம் போக்குவரத்து பாதிக்கப்பட்டது.