மயிலாடுதுறை மாயூரநாதர் ஆலயம் மடவிளாகம் பகுதியில் ஐடிஐ மாணவர் ஒருவரை மன்னிப்பு கேட்க வைத்து சக மாணவர்கள் முகத்திலும், பிடரியிலும் சரமாரியாக தாக்கும் வீடியோ வலைதளங்களில் பரவியது .
இதனைத்தொடர்ந்து மாணவனை தாக்கிய சக மாணவர்கள் 5 பேரை கைது செய்த போலீசார், தலைமறைவான மற்றொரு மாணவனை தேடி வருகின்றனர். இவர்கள் அனைவரும் 18 வயது நிரம்பாதவர்கள் என்பதால், அனைவரும் நாகப்பட்டினம் சிறார் நீதிமன்றத்தில் ஆஜர்படுத்த கொண்டு செல்லப்பட்டனர்.