சென்னை திருமங்கலத்தில் பா.ஜ.க மகளிரணி மாநில நிர்வாகி நதியாவின் கணவர் சீனிவாசனை வெட்டிக் கொல்ல முயன்றதாக 6 பேர் போலீஸில் சரணடைந்த நிலையில், தாக்குதல் சம்பவத்தின் திடுக்கிட வைக்கும் சி.சி.டி.வி. காட்சிகள் வெளியாகியுள்ளன.
அதில் 4 பேர் சேர்ந்து சீனிவாசனை பட்டப் பகலில் மக்கள் நடமாட்டம் மிகுந்த சாலையில் ஓட ஓட விரட்டி சரமாரியாக வெட்டும் காட்சிகள் இடம் பெற்றுள்ளன.
தாக்குதலுக்கு ஆளான சீனிவாசன், சரணடைந்த 6 பேரில் ஒருவரான பிரசாந்த் என்பவரின் உறவினர் கொலை தொடர்பாக கைதாகி நீதிமன்றத்தால் விடுதலை செய்யப்பட்டவர் ஆவார்.
உறவினர் கொலைக்கு பழிவாங்க பிரசாந்த் ஆட்களை திரட்டி வந்து தாக்கினாரா என விசாரித்து வருவதாக போலீசார் தெரிவித்தனர்.