நடிகர் விஜய் தலைமையிலான தமிழக வெற்றிக் கழகத்தின் சார்பில் நடத்தப்படும் இரண்டாம் ஆண்டு கல்வி விருது விழாவிற்கு தொகுதி வாரியாக 10 மற்றும் 12 ஆம் வகுப்பு பொதுத்தேர்வில் முதல் மூன்று இடங்களைப் பிடித்த மாணவ, மாணவிகளை தேர்ந்தெடுக்கும் பணி தொடங்கி உள்ளது.
விஜய்யின் பிறந்தநாளான ஜூன் 22- ஆம் தேதிக்கு முன் ஜூன் 20 ஆம் தேதிக்குள் மாணவர்களுக்கு விருது வழங்கும் நிகழ்ச்சியை நடத்த ஏற்பாடுகள் தீவிரமடைந்துள்ளன.
தமிழக அளவில் முதலிடம் பிடிக்கும் மாணவருக்கு சிறப்பு பரிசும், 234 தொகுதியிலும், ஒவ்வொரு தொகுதியில் முதலிடம் பிடித்த மாணவர்களுக்கு சான்றிதழ் மற்றும் காசோலையும் வழங்கப்பட உள்ளது.