சேலம் மாவட்டம் ஆத்தூர் அருகே நரசிங்கபுரத்தில் ஓட்டுநர் மதுபோதையில் ஓட்டியதால் கட்டுப்பாட்டை இழந்த டேங்கர் லாரி, வீட்டின் சுவரை இடித்துக் கொண்டு வீட்டிற்குள் புகுந்ததில் தூங்கிக் கொண்டிருந்த 2 சிறுவர்கள் உட்பட 4 பேர் காயமடைந்து மருத்துவமனையில் அனுமதிக்கப்பட்டனர்.
விபத்து நடந்தவுடன் தப்பியோடி ஆட்கொல்லி பாலம் அருகே காயத்துடன் படுத்திருந்த ஓட்டுநர் அழகுதுரையை பிடித்த போலீசார், அவர் மீது வழக்குப்பதிவு செய்ததோடு, மருத்துவமனையில் சிகிச்சைக்காக அனுமதித்து, விசாரணை நடத்தி வருகின்றனர்.