தூத்துக்குடியில் இன்று நடைபெறும் நிகழ்ச்சியில் 17 ஆயிரத்து 300 கோடி ரூபாய் மதிப்பிலான பல்வேறு திட்டப் பணிகளை பிரதமர் நரேந்திர மோடி தொடங்கி வைக்கிறார்.
மதுரையில் இருந்து ஹெலிகாப்டரில் புறப்படும் பிரதமர், தூத்துக்குடி துறைமுகத்தில் அமைக்கப்பட்டுள்ள ஹெலிபேடில் காலை 9:45 மணியளவில் இறங்குகிறார்.
தூத்துக்குடி துறைமுகத்தை நாட்டின் முதலாவது பசுமை ஹைட்ரஜன் துறைமுகமாக மாற்றும் திட்டம், குலசேகரபட்டினத்தில் இஸ்ரோ ராக்கெட் ஏவுதளம், கடல் நீரை குடிநீராக்கும் திட்டம் ஆகியவற்றை அவர் துவங்கி வைக்கிறார்.
பிரதமரின் வருகையை முன்னிட்டு தூத்துக்குடியில் 3 ஆயிரம் போலீஸாருடன் 5 அடுக்கு பாதுகாப்பு போடப்பட்டுள்ளது.