திண்டுக்கலில் பிரிந்து வாழும் மனைவி மற்றொரு ஆணுடன் டூவீலரில் பயணித்த போது காரை விட்டு மோதிய கணவர் கைது

திண்டுக்கல் மாவட்டம் ஒட்டன்சத்திரம் அருகே, கருத்து வேறுபாட்டால் பிரிந்து வாழும் மனைவி, மற்றொருவருடன் டூவீலரில் செல்வதைப் பார்த்த கணவன், அவர்கள் மீது காரை மோத விட்டு மனைவியை கடத்தினார்.

சாலைப்புதூரைச் சேர்ந்த பிரதீப்குமாரும், வேளாண் விரிவாக்க அலுவலக தற்காலிக ஊழியரான அவரது மனைவி நந்தினியும் கருத்து வேறுபாடு காரணமாக கடந்த 3 மாதங்களாக பிரிந்துள்ளனர்.

நீலாக்கவுண்டன் பட்டியில் நடைபெற்ற தி.மு.க வாக்குச்சாவடி முகவர்கள் கூட்டத்தில் பங்கேற்ற நந்தினி, சக ஊழியரான அசோக்குமாருடன் மொபட்டில் வீடு திரும்பிக் கொண்டிருந்ததை அவ்வழியாக காரில் சென்ற பிரதீப்குமார் பார்த்துள்ளார்.

ஆத்திரமடைந்த பிரதீப்குமார் தனது காரை டூவீலர் மீது மோதச் செய்ததில் கீழே விழுந்து காயமடைந்த நந்தினியை மட்டும் காரில் தூக்கி போட்டுக்கொண்டு படுகாயமடைந்த அசோக்குமாரை அங்கேயே விட்டுச் சென்றுள்ளார்.

இதனைப் பார்த்த பொதுமக்கள் சிலர் காரை துரத்தியதால் நாயக்கனூரில் மனைவி நந்தினியை கீழே இறக்கி விட்டுள்ளார். எனினும், அவரை தும்பிச்சம்பட்டி பகுதியில் வைத்து பொதுமக்கள் மடக்கிப் பிடித்து போலீஸில் ஒப்படைத்தனர்.