ராணிப்பேட்டை மாவட்டத்தில் பள்ளி மாணவியை கடத்திச் சென்று இரவு முழுக்க காரிலேயே சுற்றி வந்து பாலியல் துன்புறுத்தலில் ஈடுபட்டதாக 3 பேர் போக்சோவில் கைது செய்யப்பட்டனர்.
அப் பெண் வியாழனன்று பள்ளி முடித்து விட்டு மாலை நேரத்தில் வீட்டில் இருந்து கடைக்கு சென்று கொண்டிருந்த போது காரில் வந்த 3 பேர் கொண்ட கும்பல், அப்பெண்ணை வழிமறித்து கடத்தியதாக தெரிகிறது.
அங்கிருந்து காஞ்சிபுரத்துக்கு அழைத்துச் சென்ற அவர்கள் காரிலேயே இரவு முழுவதும் சுற்றி சுற்றி வந்து பாலியல் துன்புறுத்தலில் ஈடுபட்டதாக கூறப்படுகிறது. மாணவியை உறவினர்கள் தேடி வந்த நிலையில், மறுநாள் பிற்பகல் 2 மணிக்கு மாணவியின் வீட்டில் இருந்து சுமார் 5 கிலோ மீட்டர் தூரத்தில் இறக்கிவிட்டு சென்றதாக தெரிகிறது. அங்கிருந்து வீடு திரும்பிய மாணவி நடந்தது பற்றி தெரிவித்த தகவலின் பேரில் அவரது தாயார் நெமிலி போலீசில் புகார் அளித்தார்.
மாணவி கூறிய தகவல்களின் அடிப்படையில் திருமால்பூரைச் சேர்ந்த சதீஷ், குமரேசன், மற்றொரு சதீஷ் ஆகியோரை போலீசார் கைது செய்தனர்.