திடீரென குறுக்கே வந்த மாடு.. சென்டர் மீடியனில் மோதி புதுமாப்பிள்ளை பலி..!

விழுப்புரம் மாவட்டம் கிளியனூர் அருகே சாலையின் குறுக்கே மாடு வந்ததால் நேர்ந்த விபத்தில், திருமணமாகி 15 நாட்களேயான புதுமாப்பிள்ளை உயிரிழந்தார்.

அன்னம்புத்தூரைச் சேர்ந்த ரமேஷ் குமார் என்ற இளைஞருக்கு கடந்த 15 நாட்களுக்கு முன், சுமித்ரா என்ற பெண்ணுடன் திருமணம் நடந்தது. பேக்கரியில் வேலை செய்து வந்த ரமேஷ் குமார் நேற்று மாலை பணிமுடிந்து இருசக்கர வாகனத்தில் வீடு திரும்பி கொண்டிருந்தார்.

கிளியனூர் கேணிப்பட்டு அருகே தேசிய நெடுஞ்சாலையில் வந்து கொண்டிருந்த போது திடீரென மாடு குறுக்கே வந்ததால் நிலைதடுமாறிய ரமேஷ்குமார், சென்டர் மீடியனில் மோதியதில் பலத்த காயமடைந்து சம்பவ இடத்திலேயே உயிரிழந்ததாக போலீசார் தெரிவித்தனர்.