காஞ்சிபுரம் மாவட்டத்தில் உள்ள குழந்தைகள் மற்றும் பெண்கள் அரசு காப்பகத்தில் இருந்து ஆறு சிறுமிகள் தப்பியோடியது குறித்து தனிப்படை அமைத்து போலீசார் விசாரணை நடத்தி வருகின்றனர்.
பிள்ளையார்பாளையத்தில் இயங்கி வரும் அன்னை சத்யா குழந்தைகள் மற்றும் பெண்கள் காப்பகத்தில், காதல் உள்ளிட்ட பிரச்சனைகளில் சிக்கி, காவல்துறையினரால் மீட்கப்பட்ட இருபதுக்கும் மேற்பட்ட சிறுமிகள் மற்றும் பெண்கள் தங்க வைக்கப்பட்டுள்ளனர்.
இந்நிலையில், இன்று அதிகாலை சுமார் 16 முதல் 17 வயதுள்ள ஆறு சிறுமிகள் இரவுப் பணியில் இருந்த பாதுகாவலரின் அறையின் வெளிப்புறம் தாழிட்டுவிட்டு தப்பியதாக கூறப்படுகிறது.