ராணிப்பேட்டை மாவட்டம் காவேரிப்பாக்கம் அருகே அதிவேகமாக வந்த லாரி பின்னால் மோதியதில் இருசக்கர வாகனம் லாரிக்கு அடியில் சிக்கி தீப்பிடித்து எரிந்து ஒருவர் தீயில் கருகி உயிரிழந்தார்.
சுமைதாங்கி அருகே சென்னை - பெங்களூர் தேசிய நெடுஞ்சாலையில் ராணிப்பேட்டை நோக்கி வந்து கொண்டிருந்த டிப்பர் லாரி முன்னால் சென்ற இருசக்கர வாகனம் மீது வேகமாக மோதியுள்ளது.
இருசக்கர வாகனம் எரிந்ததில் வாகன ஓட்டி கருகிய நிலையில், மளமளவென பரவிய தீயினால் டிப்பர் லாரியும் எரியத் தொடங்கியதையடுத்து, தகவல் அறிந்து வந்த ராணிப்பேட்டை தீயணைப்புத்துறையினர் வந்து தீயை அணைத்தனர். விபத்தை ஏற்படுத்திய டிப்பர் லாரி ஓட்டுநர் தப்பி ஓடிய நிலையில், இறந்தவரின் விவரம் மற்றும் விபத்து குறித்து காவேரிப்பாக்கம் போலீசார் விசாரணை நடத்தி வருகின்றனர்.