தென்காசி மாவட்டம் சங்கரன்கோவில் அருகே உணவகத்தில் குடிபோதையில் அடிதடியில் ஈடுபட்டது மட்டுமின்றி போலீசார் மீதும் தாக்குதல் நடத்திய ராணுவ வீரர் உள்பட 4பேர் கைது செய்யப்பட்டனர்.
ஆராய்ச்சிபட்டியைச் சேர்ந்த ராணுவ வீரர் முத்துப்பாண்டியன் என்பவர் பனவடலிச்சத்திரத்தில் உள்ள ஹோட்டலில் சகோதரர் மற்றும் உறவினருடன் சாப்பிட சென்றுள்ளார்.
அப்போது குடிபோதையில் இருந்த 3பேரும் ஹோட்டல் உரிமையாளரிடம் வாக்குவாதம் மற்றும் ரகளை செய்து அடிதடியில் ஈடுபட்டதாக கூறப்படுகிறது.
இதுதொடர்பான புகாரின் பேரில் விசாரிக்க வந்த காவலர் வள்ளிமணவாளன் மீதும் தாக்குதல் நடத்தியதாக கூறப்படுகிறது. இதுதொடர்பான சிசிடிவி காட்சிகள் தற்போது வெளியாகி உள்ளது.