மதுரை அருகே OLX மூலம் விளம்பரம் செய்து, ஒரே வீட்டை 10 க்கும் மேற்பட்டோரிடம் ஒத்திக்கு விடுவதாக, 70 லட்ச ரூபாய் மோசடி செய்த கில்லாடி ஆசாமியை போலீசார் கைது செய்தனர்.
மதுரை ஆனையூர் அருகே மலர்நகர் பகுதியைச் சேர்ந்த புகழ் இந்திரா என்பவர், தன்னுடைய வீட்டினை ஒத்திக்கு விடுவதாக OLX மூலம் விளம்பரம் செய்துள்ளார்.
இதனை பார்த்த மதுரை ஆவின் நகர் பகுதியை சேர்ந்த அருண்குமார் என்பவர், புகழ் இந்திராவை சந்தித்து 8 லட்ச ரூபாய் கொடுத்து வீட்டை ஒத்திக்கு பேசியுள்ளார். வீட்டின் சாவியை வாங்க 15 நாட்கள் கழித்து வரும்படி கூறி புகழ் இந்தரா தலைமறைவானார்.
காவல்துறை உயர் அதிகாரியின் உறவினர் உள்பட 10க்கும் மேற்பட்டோரிடம் ஒரே வீட்டை காட்டி 70 லட்சம் வரை பணம் பெற்று ஏமாற்றிய நிலையில் புகழ் இந்திராவை கைது செய்த போலீசார், அவரை நீதிமன்றத்தில் ஆஜர்படுத்தி சிறையில் அடைத்தனர்.