சென்னை தலைமை செயலகத்தில், ஈரோடு கிழக்கு சட்டமன்ற தொகுதி சட்டமன்ற உறுப்பினராக பதவியேற்றுக் கொண்ட ஈ.வி.கே.எஸ் இளங்கோவன், தொகுதி மக்களின் குறைகளை போக்க தொடர்ந்து முயற்சி செய்வேன் என்றார்.
அண்மையில் நடைபெற்ற இடைத்தேர்தலில் வெற்றி பெற்ற இளங்கோவனுக்கு, சட்டப்பேரவையில் முதலமைச்சர் மு.க.ஸ்டாலின் முன்னிலையில் சபாநாயகர் அப்பாவு பதவிப்பிரமானம் செய்து வைத்தார்.
தொடர்ந்து செய்தியாளர்களிடம் பேசிய ஈ.வி.கே.எஸ் இளங்கோவன், சட்டமன்ற காங்கிரஸ் தலைவராக செல்வப் பெருந்தகையின் பணி சிறப்பாக உள்ளதாகவும் எனவே அவரே அப்பணியில் தொடர தாம் விரும்புவதாகவும் கூறினார்.