நாகை அருகே பட்டினச்சேரியில் முன்னறிவிப்பின்றி சிபிசிஎல் குழாயில் கச்சா எண்ணெய் செலுத்தப்பட்டதாகக் கூறப்படும் நிலையில், கசிவு சரி செய்யப்பட்ட அதே இடத்தில் இருந்து மீண்டும் கசிவு ஏற்பட்டு, பல அடி உயரத்துக்கு பீய்ச்சி அடித்தது.
கச்சா எண்ணெய் குழாயில் ஏற்கனவே இரண்டு முறை கசிவு ஏற்பட்டு சரி செய்யப்பட்ட நிலையில், இனி பிரச்சனை ஏற்படாது என சிபிசிஎல் நிர்வாகம் உறுதி அளித்திருந்தது.
உரிய அனுமதி பெறாமல், முன்னறிவிப்பின்றி குழாயில் கச்சா எண்ணெய் செலுத்தப்படக்கூடாது என மாவட்ட நிர்வாகமும் உத்தரவிட்டிருந்தது.
இந்த நிலையில், எந்தவித முன்னறிவிப்பும் இன்றி குழாயில் கச்சா எண்ணெய் பம்ப்பிங் செய்யப்பட்டதாகக் கூறப்படும் நிலையில், கசிவு சரி செய்யப்பட்ட அதே இடத்தில் இருந்து பல அடி உயரத்துக்கு கச்சா எண்ணெய் பீய்ச்சி அடித்தது.