தூத்துக்குடி மாவட்டம் விளாத்திகுளம் அருகே இலங்கைக்கு கடத்த முயன்ற சுமார் ஒரு கோடி மதிப்பிலான சுறா மீன் இறக்கைகள் மற்று திருக்கை மீன் பூ மூட்டைகளை கியூ பிரிவு போலீசார் பறிமுதல் செய்தனர்.
வேம்பாரில் இருந்து இலங்கைக்கு மீன் இறக்கைகள் கடத்தபடவிருப்பதாக கிடைத்த தகவலின்படி, கியூ பிரிவு போலீசார் வேம்பார் அக்கரை பகுதியில் வாகன சோதனையில் ஈடுபட்டனர். அப்போது சந்தேகத்திற்கிடமான வகையில் வந்த பொலிரோ பிக் அப் வாகனத்தை அவர்கள் தடுத்து நிறுத்த முயன்ற போது வாகனம் நிற்காமல் சென்றுள்ளது.
40 கிலோ மீட்டர் தூரம் வரை வாகனத்தை விரட்டிச் சென்ற போலீசார், சூரங்குடியில் வாகனத்தை மடக்கி பிடித்தனர். வாகனத்தில் இருந்த சுறா மீன் இறக்கைகள், திருக்கை மீன் பூ ஆகியவற்றை பறிமுதல் செய்த போலீசார் வாகனத்தை ஓட்டி வந்த சாகுல் ஹமீது என்பவரை கைது செய்தனர்.