நிதி நிறுவனங்கள் மூலம் பண மோசடிகளில் ஈடுபட்டு வெளிநாடுகளுக்கு தப்பியவர்களை கைது செய்ய இண்டர்போல் உதவியை நாடியிருப்பதாக தமிழக டிஜிபி சைலேந்திரபாபு தெரிவித்துள்ளார்.
திருச்சி அண்ணா விளையாட்டு அரங்கத்தில், 62-வது தமிழ்நாடு மாநில காவல்துறை மண்டலங்களுக்கு இடையேயான தடகளம், சைக்கிலிங் உள்ளிட்ட விளையாட்டுப் போட்டிகளை தொடங்கி வைத்த பின் செய்தியாளர்களை சந்தித்த அவர் இவ்வாறு தெரிவித்தார்.
மேலும், காவலர்களுக்கு 7 நாள் வேலை என்பதை தற்போது சட்ட திருத்தம் செய்து வாரத்தில் 5 நாட்கள் வேலை என்று மாற்றப்பட்டுள்ளதுடன், 6-வது நாள் வேலை செய்தால் அதற்கு ஈசிஆர் வழங்கப்படுவதாகவும் தெரிவித்தார்.
திருவண்ணாமலை தீபம் உள்ளிட்ட முக்கிய நட்களில் மட்டுமே விடுமுறை வழங்க முடியாத நிலை உள்ளதாகவும் அவர் தெரிவித்தார்.