நாகப்பட்டினம் மாவட்டத்தில் சாலைகள் தரமற்று அமைக்கப்பட்ட புகாரில் நான்கு இளநிலை பொறியாளர்கள் மற்றும் ஒரு உதவி பொறியாளரை பணியிட மாற்றம் செய்து மாவட்ட ஆட்சியர் உத்தரவிட்டுள்ளார்.
வேட்டைக்காரனிருப்பு ஊராட்சி சடையன்காடு பகுதியில் உள்ள வஉசி நகரில் 41 லட்சத்து 6 ஆயிரம் ரூபாய் மதிப்பீட்டில் கப்பி சாலை தார்சாலையாக மாற்றப்பட்ட பத்து நாட்களிலேயே சேதமடைந்தது.
இதுகுறித்து கிராம மக்கள் புகார் தெரிவித்த நிலையில், இதே போல் அனைத்து ஊராட்சி ஒன்றியங்களிலும் குற்றச்சாட்டுகள் எழுந்தததையடுத்து, மாவட்ட ஆட்சியர் அருண்தம்புராஜ் விசாரணை நடத்தி உத்தரவு பிறப்பித்துள்ளார்.