ஈரோடு கிழக்கு தொகுதி இடைத்தேர்தலை ஒட்டி, அரசியல் கட்சியினர் தீவிர பிரச்சாரம் மேற்கொண்டு வருகின்றனர்.
ஈரோடு கிழக்கு தொகுதி இடைத்தேர்தலில் திமுக கூட்டணியில் போட்டியிடும் காங்கிரஸ் வேட்பாளர் ஈவிகேஎஸ் இளங்கோவனை ஆதரித்து அமைச்சர் பொன்முடி, வீடு வீடாக சென்று வாக்கு சேகரிப்பில் ஈடுபட்டார்.
அதிமுக வேட்பாளர் தென்னரசு ஈரோடு வ.உ.சி பூங்கா மைதானத்தில் நடைபயணமாக சென்று வாக்கு சேகரித்ததோடு, அங்குள்ள நேதாஜி காய்கறி மார்க்கெட்டுக்கு சென்று வியாபாரிகளிடம் ஓட்டு கேட்டார்.
தேமுதிக வேட்பாளர் ஆனந்துக்கு ஆதரவாக அக்கட்சியின் துணை பொதுச் செயலாளர் சுதீஷ், நேதாஜி காய்கறி சந்தை, விளையாட்டு மைதானம் உள்ளிட்ட பல்வேறு இடங்களில் பிரச்சாரம் மேற்கொண்டார்.
நாம் தமிழர் கட்சி வேட்பாளர் மேனகாவுக்கு ஆதரவாக அக்கட்சியினர் நடைபயணமாக சென்று வாக்கு சேகரிப்பில் ஈடுபட்டனர்.