தென்மேற்கு வங்கக்கடலில் நிலவும் காற்றழுத்த தாழ்வு மண்டலம், நாகப்பட்டினத்தில் இருந்து கிழக்கே 480 கிலோ மீட்டர் தொலைவில் நிலை கொண்டுள்ளதாக, சென்னை வானிலை மையம் தெரிவித்துள்ளது.
இது, அடுத்த 48 மணி நேரத்தில் மேற்கு - தென்மேற்கு திசையில் நகர்ந்து, இலங்கை வழியாக குமரிக்கடல் பகுதிகளை நோக்கி நகரக்கூடும் என்பதால், டிச.25ம் தேதி தூத்துக்குடி, இராமநாதபுரம், சிவகங்கை உள்ளிட்ட 8 மாவட்டங்களிலும், டிச.26ம் தேதி கன்னியாகுமரி, திருநெல்வேலி உட்பட 13 மாவட்டங்களிலும் ஓரிரு இடங்களில் கனமழைக்கு வாய்ப்பு இருப்பதாக கூறியுள்ளது.
மேலும், சென்னை மற்றும் புறநகர் பகுதிகளில் ஓரிரு இடங்களில் லேசான மழைக்கு வாய்ப்பு இருப்பதாக தெரிவித்துள்ள வானிலை மையம், பலத்த காற்று வீசக்கூடும் என்பதால், தென்மேற்கு வங்கக்கடல், குமரிக்கடல் பகுதிகளுக்கு டிச.27ம் தேதி வரை மீனவர்கள் செல்ல வேண்டாமெனவும் அறிவுறுத்தியுள்ளது.