கூலிப்படையை ஏவி கணவனை கொலை செய்ய முயன்ற மனைவி, ஆண் நண்பருடன் கைது..!

மதுரையில் ஆண் நண்பருடன் சேர்ந்து கணவனை கொலை செய்ய முயன்ற பெண்ணை, செல்போன் உரையாடல்கள் மூலம் போலீசார் கைது செய்தனர்.

திருப்பாலை ஜி.ஆர். நகரைச் சேர்ந்த செந்தில்குமார், மஸ்கட்டில் வேலை செய்து வந்த நிலையில், சொந்த ஊர் திரும்பிய அவரை, சில நாட்களுக்கு முன் மர்மநபர்கள் பட்டாக்கத்தியால் வெட்டிவிட்டு தப்பினர்.

படுகாயமடைந்த அவர் மருத்துவமனையில் அனுமதிக்கப்பட்ட நிலையில், போலீசார் வழக்குப்பதிவு செய்து விசாரணை நடத்தினர்.

மேலும், அவரது மனைவி வைஷ்ணவியிடமும் விசாரணை நடத்தி செல்போனை ஆய்வு செய்தபோது,வெங்கடேசன் என்பவருடன் திருமணத்தை மீறிய உறவு வைத்திருந்ததும், இருவரும் சேர்ந்து, செந்தில்குமாரை கொல்ல திட்டம் தீட்டியதும், செல்போன் உரையாடல் மூலம் தெரியவந்தது.

இதையடுத்து வைஷ்ணவி மற்றும் வெங்கடேசனை கைது செய்த போலீசார், கூலிப்படையை சேர்ந்த சாந்தகுமாரை தேடி வருகின்றனர்.